1. Байгууллагын бүртгэл ба сургалт
Meetco платформд нэвтрэхийн өмнө байгууллагуудад бидний зүгээс сургалт, нэвтрүүлэлтийн үйл ажиллагаа зохион байгуулна. Энэ сургалтаар байгууллагын ажилтнууд (хэрэглэгчид) платформыг хэрхэн ашиглах, зохион байгуулалт хийх, судалгаа болон сургалтын материалуудыг хэрхэн байршуулж, удирдах талаар зааварчилгаа авдаг.
2. Хэрэглэгчдийн бүртгэл ба нэвтрэлт
Сургалт дууссаны дараа, бид байгууллагад зориулсан Meetco платформд хэрэглэгчдийн бүртгэлийг үүсгэж өгнө. Байгууллагын бүртгэгдсэн хэрэглэгчид Meetco-д нэвтэрч, байгууллагынхаа хүрээнд цахим хурал, сургалт, судалгаа зохион байгуулж эхэлдэг. Хувь хүн өөрөө шууд нэвтэрч платформыг ашиглах боломжгүй бөгөөд зөвхөн байгууллагынхаа хүрээнд хандаж болно.
3. Цахим хурал, сургалт зохион байгуулалт
Meetco нь байгууллагынхаа ажилтнуудад зориулан цахим хурал, сургалтыг хялбархан зохион байгуулах боломжийг олгодог. Хэрэглэгчид платформ дээр хурал, сургалтын сэдэв, цаг хугацааг тодорхойлон оруулж, оролцогчдыг урьж, удирдах боломжтой. Мөн видео хурал, текст чат, судалгаа болон дүгнэлт хийх хэрэгслүүдийг багтаасан.
4. Судалгаа ба Дүгнэлт
Meetco нь байгууллагуудад судалгаа зохион байгуулах, ажилтнуудынхаа сургалтын үр дүнг дүгнэх боломжийг олгодог. Судалгааны асуулт хариултыг платформ дээр шууд үүсгэж, оролцогчдоос хариулт авах боломжтой. Судалгааны үр дүнг Meetco платформ дээрх тайлангаар харах боломжтой бөгөөд энэ нь байгууллагын сургалт, үйл ажиллагааг оновчтой болгоход тусалдаг.
5. Дата удирдлага ба аюулгүй байдал
Meetco платформ дээр байршуулсан мэдээлэл нь аюулгүй байдлын өндөр түвшинд хадгалагддаг бөгөөд байгууллагууд өөрсдийн мэдээллийг удирдах, устгах эрхтэй. Байгууллага нь өөрийн мэдээллийг устгах хүсэлт гаргасны дараа тухайн мэдээлэл нь системээс бүрэн устах бөгөөд сэргээгдэх боломжгүй болно.
6. Тусламж ба Дэмжлэг
Meetco платформ нь хэрэглэгчдэд тулгарсан асуудлуудыг шийдвэрлэхэд зориулсан тусламж ба дэмжлэгийн үйлчилгээг санал болгодог. Манай мэргэжилтнүүд таны байгууллагын хэрэгцээнд нийцүүлэн зөвлөгөө өгөх, асуудлыг шуурхай шийдвэрлэхэд туслах болно.